नेपाली संगीत र दृश्य कथावाचनको क्षेत्रमा नयाँ भावनात्मक प्रस्तुति ‘भ्रामित’ युट्युबमार्फत सार्वजनिक गरिएको छ। मौन प्रेम, नबोलेका भावनाहरू र प्रेमले ल्याउने अन्योलको कथालाई केन्द्रमा राखेर तयार गरिएको यो सिर्जना १८ जनवरी २०२६ मा औपचारिक रूपमा रिलिज गरिएको हो। ‘भ्रामित’ ले प्रेमका ती पक्षहरूलाई उजागर गर्छ, जहाँ शब्दभन्दा भावना बलियो हुन्छ र मौनतामै धेरै कुरा लुकेका हुन्छन्।
कथामा प्रेम, प्रतीक्षा र मनको द्वन्द्वलाई सरल तर गहिरो शैलीमा प्रस्तुत गरिएको छ। मुख्य भूमिकामा समिर गुरुङ र प्रसन्ना गुरुङ देखिएका छन् भने अतिथि कलाकारका रूपमा विश्वात्मा ताम्राकार र मुबी श्रेष्ठको उपस्थिति रहेको छ। उनीहरूको अभिनयले कथालाई अझ जीवन्त बनाएको छ। यस परियोजनाको निर्देशन प्रदीप श्रेष्ठले गरेका हुन्। गीत लेखन, संगीत र स्वरमा तनिश कटिला र श्रिजल लामिछानेको सशक्त सहकार्य रहेको छ। संगीत संयोजन, मिक्सिङ र मास्टरिङ रोहित रञ्जितले गरेका छन् भने गितार पनि उनैले बजाएका छन्।
रेकर्डिङ कार्य अडियो लाइब्रेरी नेपालमा सम्पन्न गरिएको हो। भिडियो पक्षमा श्रेष्ट फोटो प्रोडक्सनको ब्यानरमा निर्माण गरिएको यस म्युजिक भिडियोको छायांकन प्रेम श्रेष्ठले गरेका हुन्, जसमा सह–छायांकन सुशान्त बीकेको रहेको छ। छायांकन स्थलका रूपमा आर्चिज ग्यालरी, कफी कल्चर र डिज्नील्यान्ड प्रयोग गरिएको छ।
पोस्टर डिजाइन पनि निर्देशक प्रदीप श्रेष्ठकै कलामा तयार गरिएको हो। परियोजनालाई द हक्कु कलेक्सन, CEAD कन्सल्टेन्ट्स, काएसन स्टोर, समिट रञ्जित फोटोग्राफी, कफी कल्चर पोखरा, प्रोजेक्ट बाजा र नेपालीज कल्चरले सहयोग गरेका छन्। साथै, निर्माण टिमले थुप्रै सहकर्मी र शुभेच्छुकहरूप्रति विशेष धन्यवाद व्यक्त गरेको छ। ‘भ्रामित’ ले प्रेमका अव्यक्त अनुभूतिहरूलाई संगीत र दृश्यको माध्यमबाट प्रभावकारी रूपमा प्रस्तुत गरेको छ। भावनात्मक कथा, सरल प्रस्तुति र सशक्त संगीतका कारण यो सिर्जनाले दर्शक तथा श्रोतामाझ राम्रो प्रतिक्रिया पाउने अपेक्षा गरिएको छ। © तनिश कटिला र श्रिजल लामिछाने यस भिडियोसँग सम्बन्धित कुनै पनि सामग्रीको अनधिकृत प्रतिलिपि निषेध गरिएको छ।
